Wednesday, 19 November 2008
മരങ്ങാട്ടുപിള്ളിയിലെ സഞ്ചാരി
ഈ ലോകത്തില്‍ ഏറ്റവും കൂടുതല്‍ അസുയ ആരോടാണെന്ന് ആരെങ്കിലും എന്നോട് ചോദിച്ചാല്‍ അര്‍ത്ഥശങ്കക്കിടയില്ലത്ത വണ്ണം ഞാന്‍ പറയുന്ന പേര്‍ സന്തോഷ് ജോര്‍ജ് കുളങ്ങര എന്നാകും .നൂറിലേറെ രാജ്യങ്ങള്‍ മുപ്പത്തിയേഴ് വയസിനുള്ളില്‍ സഞ്ചരിച്ചു കഴിഞ്ഞ ഈ സഞ്ചാര സാഹിത്യകാരന്‍ പുതു തലമുറയുടെ പ്രചോദനമാകുന്നത് സഞ്ചാര സാഹിത്യ കാരന്‍ എന്ന നിലയില്‍ മാത്രമല്ല ഇന്ത്യയില്‍ നിന്നുള്ള ആദ്യത്തെ ബഹിരാകാശ വിനോദ സഞ്ചാരി എന്ന നിലയില്‍ കൂടിയാണ് .ഏഷ്യാനെറ്റില്‍ പ്രക്ഷേപണം ആരംഭിച്ച കാലങട്ടം മുതല്‍ മുന്നൂറ്റി അറുപത്തി അഞ്ചാം എപ്പിസോട് വരെ ജനപ്രീതി ഒട്ടും കുറയാതെ കാത്തു സൂക്ഷിക്കുന്ന ചുരുക്കം ചില നല്ല പരിപാടികളില്‍ ഒന്നാണ് സഞ്ചാരം .ലിംകാ ബുക്ക് ഓഫ് റെക്കോര്‍ഡില്‍ സ്ഥാനം പിടിച്ച ആദ്യത്തെ മലയാളം ടെലിവിഷന്‍ പരിപാടിയും സന്ചാരമാല്ലാതെ മറ്റൊന്നല്ല .പാശ്ചാത്യ നാടിന്‍റെഊടുവഴികളിലൂടെ ക്യാമറയും തൂക്കി മലയാളിയുടെ സ്വീകരണ മുറികളിലേയ്ക്ക് അനീഷ്‌ പുന്നന്‍ പീറ്ററിന്റെ അനിതര സാധാരണമായ വിവരണത്തിലൂടെ കടന്നു വന്ന സന്തോഷ് ഇനി ചരിത്രത്തിന്റെ കൂടി ഭാഗമാകുകയാണ് .ഇന്ത്യയില്‍ നിന്നും ആദ്യമായി ഒരാള്‍ ഒരു കോടിയോളം രൂപ ചിലവഴിച്ചു രണ്ടര മണിക്കൂര്‍ ബഹിരാകാശത്ത് ഉല്ലാസ സവാരിക്കിറങ്ങുന്നു .അതൊരു മലയാളിയും നമ്മുടെ പ്രിയപ്പെട്ട സഞ്ചാര സാഹിത്യ കാരനും ആകുമ്പോള്‍ നമുക്കു അഭിമാനിക്കാം .നാടോടി കഥകളിലെ സന്ചാരികളെ പോലെ സഞ്ചാരം കൊതിച്ചിട്ടും ജീവിതത്തിന്‍റെതിരക്കുകള്‍ക്ക് വഴി മാറി കൊടുക്കേണ്ടിവന്ന നല്ലൊരു വിഭാഗത്തിനും സഞ്ചാരം തീര്ച്ചയായും ഇഷ്ടപെട്ട പ്രോഗ്രാം ആകും .
യാത്രകളെ ഇഷ്ടപെടുന്ന സന്തോഷ് പേരു കേട്ട വ്യവസായിയുമാണ് .മരങ്ങാട്ടുപിള്ളി പ്രസിദ്ധികരണം ലേബര്‍ ഇന്ത്യയുടെ എം ഡി ,ഗുരുകുലം പബ്ലിക് സ്കൂള്‍(വാഗമണ്‍ ) ,ബ്ലു ഫീല്‍ഡ് ഇന്റെര്‍ നാഷണല്‍ അക്കാദമി (യു .എസ് എ )എന്നിവയുടെ ചെയര്‍മാന്‍ .ഒരു രബ്ബിയുടെ ചുംബനങ്ങള്‍ ,നതാഷയുടെ വര്ണ ബലൂണുകള്‍ എന്നി യാത്ര വിവരണ ഗ്രന്ഥങ്ങളുടെ കര്‍ത്താവ് മാളുവിന്റെ ലോകം , സമയം ,ചിത്തിര പുരത്തെ വിശേഷങ്ങള്‍ , കേരള വിശേഷം തുടങ്ങിയ ടെലിവിഷന്‍ പ്രോഗ്രാമിന്റെ നിര്‍മാതാവ് കൃഷണ ഘാഥ എന്ന ഡോക്യുമെന്റെരി സംവിധായകന്‍ , കമല്‍ പാത്ര അവാര്‍ഡ് ,യുവ പ്രതിഭ അവാര്‍ഡ് ,വിവേകാനന്ദ അവാര്‍ഡ് തുടങ്ങിയവ നേടിയിട്ടുണ്ട് .മുന്‍ രാഷ്ടപതി അബ്ദുള്‍കലാമിന്റെ പ്രത്യേക അഭിനന്ദനം നേടിയ ഈ യുവ പ്രതിഭ ഇനിയും നമ്മള്‍ മലയാളികള്‍ക്കായി ഒരു പാടു നേട്ടങ്ങള്‍ കൊണ്ടു വരൂമെന്നു പ്രത്യാശയോടെ കാത്തിരിക്കാം .
Subscribe to:
Post Comments (Atom)
8 comments:
ഈ ലോകത്തില്‍ ഏറ്റവും കൂടുതല്‍ അസുയ ആരോടാണെന്ന് ആരെങ്കിലും എന്നോട് ചോദിച്ചാല്‍ അര്‍ത്ഥശങ്കക്കിടയില്ലത്ത വണ്ണം ഞാന്‍ പറയുന്ന പേര്‍ സന്തോഷ് ജോര്‍ജ് കുളങ്ങര എന്നാകും
me also
സന്തോഷ് ജോര്‍ജ്ജ് കുളങ്ങരയോട് മിക്ക മലയാളികള്‍ക്കും അസൂയയുണ്ടാകും. സത്യംതന്നെ. ലോകത്ത് നമുക്കു കാണാന്‍ ഭാഗ്യമുണ്ടാകാത്ത സ്ഥലങ്ങളെല്ലാം കണ്ട് നമുക്കു കാണിച്ചുതരുന്നയാളല്ലേ.. ബഹിരാകാശയാത്രയ്ക്കു തയ്യാറെടുക്കുകയാണല്ലോ കക്ഷി ഇപ്പോള്‍... നല്ലകാര്യം തന്നെ.
പക്ഷേ.. ഈ മി.കുളങ്ങരയുടെ സഞ്ചാരത്തെക്കുറിച്ച് ഒരു വിയോജിപ്പും ഉണ്ട്. ഏതുസ്ഥലം കാണാന്‍പോയാലും അവിടെത്തെ പോപ്പുലര്‍ ടൂറിസ്റ്റു കേന്ദ്രങ്ങളിലൂടെ ചുറ്റിയടിക്കുകയാണ് കക്ഷി ചെയ്യുന്നത്. അത്തരം യാത്രകൊണ്ട് ആ രാജ്യത്തെ ജനങ്ങളുടെ യഥാര്‍ത്ഥ ജീവിതത്തെയോ വൈവിധ്യത്തെയോ അറിയാന്‍ കഴിയില്ല. ടൂറിസ്റ്റുകേന്ദ്രങ്ങളിലെ പ്രാദേശിക ജനജീവിതം തന്നെ പൂര്‍ണ്ണമായും കൃത്രിമവും കച്ചവടലക്ഷ്യങ്ങള്‍ നിറഞ്ഞതുമായിരിക്കും.
ഇപ്പോ കേരളത്തെ അറിയാത്ത ഒരാള്‍ ഇവിടെവന്ന് കോവളവും കുമരകവും തേക്കടിയും കൊച്ചിയും കണ്ട് ഇതാണ് കേരളം എന്നു പറയുന്നതില്‍ എന്തുണ്ട് സത്യം? അതുതന്നെയാണ് മി.കുളങ്ങരയുടെ കാഴ്ചയുടെ കുഴപ്പവും. അതിന് തീരെ സമഗ്രതയില്ല.
പിന്നെ. പലതുകൊണ്ടും ഒരു മലയാളിക്കും കഴിയാത്ത പലതും അദ്ദേഹം നേടിയിട്ടുണ്ട് എന്നതു സത്യം. അതംഗീകരിക്കുകയും ചെയ്യുന്നു.
ഉറപ്പായും അജീഷെ.........
സന്തോഷ് ജോര്‍ജ് കുളങ്ങര ഇനിയും ഒരുപാടു ഭൂഖണ്ഡങ്ങള്‍ കീഴടക്കട്ടെ !
ഞാനും ആ യാത്രകണ്ട് അസൂയപ്പെടാറുണ്ട്.
ഇനിയും അദ്ദേഹമിങ്ങിനെ യാത്രചെയ്ത് നമ്മളെ
കാഴ്ച്ചകൾ കാണിച്ചുതരട്ടെ,അല്ലേ?
നമുക്ക്‌ കാണാൻ കഴിയാത്ത കാഴ്ചകൾ ഇനിയും അദ്ദ്യേഹത്തിന്റെ ക്യാമറക്കണ്ണുകളിലൂടെ കാണാൻ കഴിയട്ടേ..
അദ്ദ്യേഹത്തെ കുറിച്ച്‌ കൂടുതൽ വിവരങ്ങൾ തന്നതിന്‌ നന്ദി.
അദ്ദേഹത്തെ കുറിച്ച്‌ കൂടുതൽ വിവരങ്ങൾ തന്നതിന്‌ നന്ദി. നന്നായിട്ടുണ്ട്‌ ആശംസകൾ
Post a Comment