Tuesday, 11 July 2017

കുബേരൻ



അവിലുപൊതി തുറന്നപ്പോൾ 
കുബേരനായി മാറിയ കുറിയ മനുഷ്യാ 
കുരിശേറുമ്പോൾ കല്ലെറിയുകയെന്നത് 
എല്ലാക്കാലത്തേയും പൊതു ബോധമാണ് 
അല്ലെങ്കിൽ ബറാബാസിനു വേണ്ടിയവർ 
മുറവിളി കൂട്ടില്ലായിരുന്നു.
കവച കുണ്ഡലങ്ങലൂരിയവനെ
നിരായുധനാക്കില്ലായിരുന്നു .
യാദവ കുലം മുടിക്കാനായാ
ഇരുമ്പു ദണ്ഡും മുറിയില്ലായിരുന്നു
എല്ലാ കുരിശേറ്റങ്ങൾക്കുമപ്പുറം
ഉത്ഥാനമുണ്ടാവും എന്നതു
പ്രതീക്ഷ മാത്രമാണ്
ഇരു പാർശ്വങ്ങളിലും കിടന്ന
കള്ളന്മാർ മരിച്ചതായി പോലും
ചരിത്രം രേഖപെടുത്തുന്നില്ല .
Post a Comment