വരിക ചിത്ര ശലഭമേ (കുഞ്ഞി കവിത )

ചിത്തം നിറയ്ക്കുന്ന വർണ്ണ ചിറകുള്ള
ചിത്ര ശലഭമേ നീ എങ്ങു പാറൂ

പൂവുകൾ തോറും തപസുചെയ്യാനോ
പാറി പറക്കുന്നതെന്തിനു ചെല്ലുക

നൂറു നിറമുള്ള പൂക്കളെ തേടി നീ
നാലുമണിക്കു നീ എങ്ങു പോണൂ

വന്നാട്ടെ എൻ വീട്ടിൽ വന്നീടുമെങ്കിൽ
തന്നീടാം നല്ലൊരു പാൽപായസം

'അമ്മ എനിക്കായൊരുക്കിയ മധുരിക്കും
അമൃതു പോലുള്ളൊരാ പാൽ  പായസം

പട്ടു പോലുള്ളൊരു മെത്തയുണ്ടെൻ വീട്ടിൽ
സ്വച്ഛമായ് നിന്നെ ഉറക്കിടാം ഞാനതിൽ

ആയിരം കഥകൾ പറഞ്ഞുറക്കീടുവാൻ
അച്ഛനും നിന്നെയും കാത്തിരിപ്പൂ

വരിക നീ വർണ്ണ ചിറകുള്ള പൂത്തുമ്പീ
വരികയെൻ വീടിൻ അകത്തളത്തേയ്ക്കു നീ

പൂക്കളെപ്പോലെ ഞാൻ നോമ്പു നോൽക്കുന്നിതാ
പാറി പറന്നു നീ എത്തുന്ന നേരവും കാത്തിതാ