എന്റെ മോഹം (കുഞ്ഞി കവിത )

പഠിച്ചു പഠിച്ചു പഠിച്ചു ഞാനൊരു പൈലറ്റായീടും
മേഘകീറിനു മുകളിൽ പായും പൈലറ്റായീടും

ചിറകുകൾ വീശി ഉയരത്തിൽ ഞാൻ ഉയർന്നു പാറീടും
ആകാശത്തിനു മേലെ ഞാൻ എൻ അതിരുകൾതീർത്തീടും


ചിറകുകളുള്ളൊരു പക്ഷിയെ പോല പറന്നു പാറിടാൻ
 പഠിച്ചു പഠിച്ചു പഠിച്ചെനിക്കൊരു പൈലറ്റാകേണം


താരാപഥങ്ങൾ തേടി ഞാനെൻ പുഷ്പകമേറുമ്പോൾ
ക്ഷീരപഥത്തിൽ നിന്നൊരു താരം വെറുതെ മോഹിക്കും

പഠിച്ചു പഠിച്ചു പഠിച്ചു ഞാനൊരു പൈലറ്റാകുമ്പോൾ
ആകാശത്തിൻ വിരി മാറിൽ ഞാൻ ഉയർന്നു പാറുമ്പോൾ

താരാപഥങ്ങൾക്കരികിൽ കൂടി പറന്നു പായുമ്പോൾ
താഴെ നിന്നും വന്നവനാണെന്നറിഞ്ഞു പായും ഞാൻ

അതിരുകളില്ലാത്തകാശത്തിൻ പരപ്പിൽ നിന്നും ഞാൻ
താഴെ നല്ലൊരു ഭൂമികയുണ്ടെന്നറിഞ്ഞു പാറു ഞാൻ

പഠിച്ചു പഠിച്ചു പഠിച്ചു ഞാനൊരുനാൾ പൈലറ്റായീടും
ആകാശത്തിൻ നിറങ്ങൾ തേടി ഉയർന്നു പാറീടും .