Tuesday, 31 January 2017

പൂവനും ശ്വാനനും പിന്നെ ഞാനും (കുഞ്ഞി കവിത )








അങ്കവാലുള്ളൊരു പൂവൻ ചെറുക്കാനീ
അങ്കണമൊക്കെചികഞ്ഞിടാതിന്നു നീ
നാളെ വെളുപ്പിനു നേരത്തുനരണം
കൊക്കരകൊക്കോ പാടിയുണർത്തണം

ചുരുണ്ടവാലുള്ളൊരു പാണ്ഡൂക നായെ നീ
കാവലിനായി നീ ശൂരനായ് മാറണം
തസ്കരനെത്തിയാൽ  കുരച്ചു നീ ചാടണം
കുട്ടികളെത്തുമ്പോൾ കുഞ്ഞു വാലാട്ടണം

അങ്കവാലുള്ളൊരു പൂവൻ ചെറുക്കനും
ചുരുണ്ട വാലാട്ടുന്ന  പാണ്ഡൂക ശ്വാനനും
മുറ്റത്തു കാവലായ് നിൽക്കുന്ന നേരത്ത്
കുട്ടികൾ ഞങ്ങൾ കളിച്ചിടുന്നു

കൂടുക കൂടുക കൂട്ടുകാരെ
കൂട്ടായി നിങ്ങളും ചേർന്നീടുമ്പോൾ
കെങ്കേമമാകും കളികളെല്ലാം
കൂടുക കൂടുക കൂട്ടുകാരെ


Post a Comment